Eusko Legebiltzarrean

Urtarrilaren 31n Erdi Mailako ikasleak, tutoreekin batera, Gasteizera joan ginen bisita gidatu bat egiteko  Eusko Legebiltzarrean.

1979ko urriaren 25ean Gernikako Autonomia Estatutua onetsi zen, eta horren ondorioz sortu zen Eusko Legebiltzarra. 1982ko otsailaren 1etik Gasteizko Becerro de Bengoa kaleko eraikinean dago Eusko Legebiltzarraren behin betiko egoitza. 

Lehenik, Legebiltzarreko prensa-aretoan sartu ginen, eta ondoren, Lehendakariaren, Lehendakariordeen eta Mahaiko Idazkarien bulegoak dauden lehenengo solairura igo ginen.

Gero, Osoko Bilkuren aretoan sartu eta kokatu ginen. Areto honetan egiten dira Eusko Legebiltzarraren osoko bilkurak.

Bilkura-aretoaren erdiko horman, Mahaiko kideak zuzendaritza-lanean egon ohi diren eserlekuen gainean, Eusko Legebiltzarraren ikurra dago jarrita,"Izaro" izenekoa, Nestor Basterretxeak egindako eskultura. 

Ateratzerakoan, Andre Maria Zuriaren Plaza ondoren dauden kaleen zehar ibili ginen eta amaitzeko, Boulebard merkataritza-gunera bazkaltzera hurbildu ginen.

                 

 

Read more...

Zugarramurdira Irteera

 Urtarrilaren 31n  Oinarrizko Lanbide Heziketaren eta Osagarriaren  ikasleak, tutoreekin batera, Zugarramurdira joan ziren “Sorginen Leizea” bisitatzera.

"Sorginen leizea" lurrazaleko gune karstiko ikaragarria da, Zugarramurdiren herrigunetik mendebaldera kilometro erdi eskasera kokatua.

Gune karstiko honen izena, antzina leizearen zenbait salatan egiten ziren ospakizun paganoetatik hartua da. 1609tik 1614ra bitarteko Inkisizio-prozesuan, Zugarramurdin sorginkeria egiten zela erakusten zuen bistako frogatzat aurkeztu ziren.  

 

                                        

Ikusi gehiago...

2018ko Eibarreko Azoka

Otsailaren 1ean Euskadiko Lanbide Heziketako Ikastetxe ezberdinetatik 1000 ikasle inguru Eibarreko V Ikasenpresa Programaren Azokan topo egin zuten., 168 stand ikasturtean zehar landutako produktu eta zerbitzuekin betez.

Jarduera honek programaren amaiera bikaina suposatzen du, baina azokaraino heltzeko aurretik ikasleek hurrengoetan buru belarri aritu dira: enpresa martxan jartzen, negozio ideia lantzen, merkatu ikerketa burutzen, marketing erabakiak hartzen eta produktu edo zerbitzuak ekoizten.

Gure ikastetxeko Erdi Mailako Merkataritzako 2. Kurtsoko ikasleek azokan parte hartu zuten euren produktuak saltzen.

        

Ikusi gehiago...